Þetta blogg er nú eiginlega bara búið að vera...ég held að yfirskriftin segir allt sem segja þarf. Þegar maður getur sagt gleðilegt ár og gleðilega páska í sömu setningu þá er maður í vondum málum...

Við tvær mæðgurnar erum búnar að vera í Færeyjum síðan um miðjan febrúar og við erum alls ekki á þeim buxunum að nenna að fara aftur til Íslands...Jú jú, þar er reyndar einn karlmaður sem væri gaman að hitta, en svo er líka allt talið...eða svona næstum því! Verður náttúrulega gaman að hitta tengdafjölskylduna og vini, en það er allt eitthvað sem hægt er að redda á örfáum dögum. Þá er best að halda leið sinni til Færeyja aftur... óskastaða!
Ég hef verið að spyrjast aðeins fyrir um vinnumöguleika hér heima, en það virðist ekki endilega vera þörf á landbúnaðarfólki hér eins og staðan er. Kreppa hér eins og annars staðar. Talaði nefninlega við Baldur um að mér fyndist vera kominn tími til að ég fengi einhverju að ráða hvað varðar aðsetur... Hann var nú ekki á þeim buxunum, en sagði samt sem áður að ef ég gæti reddað honum góðri vinnu, þá skyldi hann nú alveg hugsa máli. Þannig að ég fór í það að senda email á Búnaðarstovuna... Þar vantar ekki fólk eins og er, en þau ætla að geyma emailið og kontakta mig ef einhver vinna birtist - ljómandi.
22. apríl förum við til Danmerkur, síðan áfram til Tyrklands 26. apríl og verðum þar í viku. Mamma verður nefninlega sextug 29.apríl og hefur boðið okkur til Tyrklands...mmmm það verður ljúft að geta legið á ströndinni og við sundlaugarbakkann allan daginn og notið lífsins.
Ég var eiginlega búin að gleyma hvernig það var að vera með egglos, en það upplifði ég aftur í gær - fyrsta skipti síðan Marianna varð til. Og Guuuuð hvað það var sársaukafullt, ég hef reyndar alltaf fundið smá fyrir egglosi, en nú bar alveg af! En þar sem karlpeningurinn er víðs fjarri er engin hætta á að önnur Marianna komi undir þetta skipti!

Hér heima er alveg ofboðslega fallegt veður í dag, en er samt búið að vera hundleiðinlegt undanfarna daga. En nú skín sól í heiði, blár himinn og logn! Gerist ekki betra...sjaldan svona fallegt veður á Íslandi....

Húff hvað maður er eitthvað latur að blogga hérna - þá það!

En nóvember er alveg að verða búinn og við tekur desember sem er í uppáhaldi hjá mér. Við erum í Færeyjum núna og það er náttúrulega æðislegt. Hér snjóar og snjóar, alveg ótrúlega flott veður - ekta jólaveður, en helv... kalt!

Við verðum mörg hér um jólin, bróður minn og hans kona og börn verða hér, Baldur kemur heim líka, þannig að það verður fjör þegar við dönsum um tréð! Og pakkarnir....uhhhh þeir verða margir!

Síðan verður skírn 26.desember, þá fáum við loksins að kalla stelpuna sínu nafni...annað heldur en Diddelill sem hún hefur verið kölluð hingað til...

Jæja...öskur.

Já fyrirgefið hvað ég hef verið löt við að blogga hér, en nú erum við aðallega að skrifa á barnalandssíðuna.
En það hefur margt gerst síðan síðast. Til dæmis er lítil stúlkukind komin í heiminn og skeði það á þeim Herrans degi 25.08.08 kl. 15.50. Hún var 3025gr og 49 cm löng, en er nú 4305 gr og 55 cm. Hún er nokkuð vær, en samt ekki alveg eins og engill. Til dæmis semur henni ekki sérstaklega vel við pabba sinn - sem er miður. Vonandi á það eftir að lagast, en eigið þið einhver ráð við því?

Það að vera orðin mamma er allt öðruvísi heldur en ég bjóst við. Miklu erfiðara, en samt svo ótrúlega notalegt og gott. Maður er allt í einu komin með einstakling í hendurnar sem er 100% háður manni. En sem betur fer hefur brjóstagjöfin gengið mjög vel, ég hefði brotnað niður ef hún hefði ekki gengið. Ég vorkenni svooo þeim mæðrum sem lenda í vandræðum með brjóstagjöfina, hlýtur að vera hræðilegt.

En allavega fórum við heim til Færeyja í byrjun september og komum tilbaka til Íslands í lok september. Tíminn heima var alveg æðislegur og hefur aldrei verið jafn erfitt að kveðja fólkið heima. Mér leið alveg ofboðslega illa þegar ég var að kveðja - Baldur veit allt um það. Manni líður einhvern veginn alltaf best heima hjá sér, þar sem maður ólst upp - já ég sakna Færeyjar meira núna heldur en ég gerði áður en ég varð mamma. En við förum aftur heim um miðjan november og verðum alveg fram yfir áramótin. Stúlkukindin verður síðan skírð heima í Færeyjum um jólin. Allir velkomnir í skírn

Annars er ekkert mikið að frétta af okkur. Baldur er byrjaður að vinna aftur, þannig að við tvær erum einar heima á daginn. Baldur fer síðan aftur í orlof í november, það verður fínt.

Við vorum hjá ljósmyndara með dömuna áðan, það var ágætt. Hún pissaði tvisvar út yfir allt... Þannig er það nú bara þegar maður er látin vera bleyjulaus. Hlökkum til að sjá myndirnar sem voru teknar. En við ætlum að fara 6 sinnum til ljósmyndarans fyrsta árið - gaman að sjá breytinguna á dömunni.

Í lok mánaðarins kemur bróður minn með alla sína fjölskyldu í heimsókn til okkar. Þau búa í Frakklandi þannig að það er ansi langt að koma hjá þeim. En ég hlakka mikið til að fá þau. Þar er til dæmis einn litinn gaur sem ég hef bara ekkert hitt ennþá, hann Gilli fæddist í apríl og föðursystir hans hefur bara ekkert séð hann. Þau hafa heldur ekki séð dömuna okkar...

Jæja þau sem náði að lesa alla leið eru vinsamlegast beðin um að kvitta hér að neðan.

Bið ykkur vel að lifa...
Elin

Jú Guðný, það er heldur betur farið að styttast í barnið, í dag eru 8 dagar þagnað til erfinginn á að koma í heiminn, en ég hef hann sterkt grunaðan um að koma bara ekki neitt á þeim degi. En það kemur allt í ljós. Ég vil samt biðja alla um að senda mér hríðarstrauma, ég vil helst ljúka þessu af.

Annars er svo sem litið að frétta af okkur, dagarnir eru lengi að líða þegar maður eingöngu er í því að bíða. Allt er nokkurn veginn klárt fyrir krílið, en það er auðvitað alltaf hægt að taka til og þrifa - enda er svolítið gert af því, svokölluð hreiðurgerð.

Í gær fórum við Baldur í berjamó, það var alveg yndislegt. Náðum kílói af hrútaberjum og úr því komu fjórar krukkur af hrútaberjahlaupi sem bragðast með eindæmum vel. Við förum alltaf í berjamó hérna út með nesinu, og eigum við það svæði alveg út af fyrir okkur. Okkur finnst það frekar furðulegt þar sem þetta er í mjög fjölbýlu hverfi, en það er alveg á hreinu að menn taka ekki eitt einasta skref út fyrir malbikið - en það eru malbikaðir göngustígar allt í kring um berjalandið. Sprettan er góð þetta árið!

Góðar fréttir bárust að norðan í gær, frá honum Jóni Gunnari. Tilfinningar og hreyfigeta í löppunum hefur verið að aukast smám saman hjá kappanum. Mikið hefur verið að gerast í sumar og meir að segja þegar hann hefur verið í sumarfríi frá æfingum og Kristnes hefur verið lokað. Hann er farinn að geta kreppt innanlærisvöðva og leiðir sú hreyfing svolítið langt niður. Í gær var hann síðan í sundi og þá gat hann tekið eitt skref í sundinu, það er að segja - gat sett annan fótinn fram fyrir hinn. Þetta er risaskref í rétta átt og langar mig að óska Jóni innilega til hamingju með þetta. Alveg stórkostlegt. Þetta gerist hægt og rólega, en er allt að gerast samt sem áður. Jón verður búinn að parkera hjólastólnum áður en okkur grunar held ég! Áfram svona Jón Gunnar

Ég er frekar löt við að skrifa á þetta blog, en ég vil benda mönnum á að skoða þá bara frekar barnalandssíðuna okkar (http://augustbaby.barnaland.is), hún er uppfærð miklu oftar heldur en blogcentralið hérna. Þið getið síðan bara sent mér email á nem.eling@lbhi.is ef ykkur vantar lykilorðið að albúminu á barnalandi.

Kannski kominn tími til að láta aðeins í mér heyra. Hef ekki verið í bloggstuði og hef svo sem ekki margt að segja frá.

En við fórum á Landsmót Hestamanna á fimmtudaginn og vorum þar fram á sunnudag. Þetta voru æðislegir dagar - gott veður, góður félagsskapur, falleg hross, góð stemning! Ég veit ekki hvað stóð upp úr, það er svolítið erfitt að segja. Það voru mjög mörg flott hross þarna og kannski erfitt að fara að taka eitthvað eitt hross framyfir önnur. En Baldri fannst skeiðsprettur Sæs frá Bakkakoti flottastur, jú hann var mjög flottur og öruggur þessi sprettur. Gaman að sjá kappann keppa við son sinn Tón.

Nokkuð margir færeyingar voru á mótinu og var það af hinu góða. Þrir færeyingar koma í mat til okkar í kvöld, það verður ágætt.

Við Baldur áttum rómantiska stund í gærkvöldið... við vorum í því að brytja niður rabbabara. Fengum slatta frá GB á Álfhólnum, cirka 5 kg! Ágætt að eiga þetta til í frysti. Ætla að skella mér í að búa til sultu í dag og mögulega graut líka...jammííí! Já og svo auðvitað pæ í eftirmat í kvöld.

Annars er allt gott að frétta af okkur.

"Suðri frá Holtsmúla er mesti ódráttur íslenzkrar hrossaræktar í áratug. Stóðhesturinn er manndrápsbrokkari, enginn getur riðið honum nema Olil Amble. Hún er norsk og ýmsu vön. Suðri hristir nýrun úr tamingamanni á fimm mínútum. Áhorfendum þykir það rosalega flott á hringvelli, kallað svifmikið brokk. Þeir mega vart vatni halda. Enda eru hestar ekki lengur metnir eftir mýkt, heldur hvernig þeir muni taka sig út í sirkus. 

Við erum að rækta kyn, sem er ónothæft í leitir og veldur reiðmanni þjáningum. Gæðingur er hins vegar hestur, sem sullar ekki úr bjórglasi á lendinni. Suðri brýtur glasið".

Þessa frétt sá ég á www.hestafrettir.is. Ég verð að segja að þar er ég ekki alveg sammála, eða jú...hann hristir vissulega nýrun úr tamningamanni, en fallegt er það!! Þetta brokk sést ekki hjá neinu öðru hrossi og held ég að við stefnum ekki ræktuninni í hættu með því að örfáar hryssur eignist folöld undan honum Suðra. Það er mögulega ekki auðvelt að sitja þetta brokk, en allir nokkurn veginn vanir knapar geta setið þetta brokk. Ég myndi vilja sjá fleiri hross með svona flott og gripmikið íþróttabrokk!!!

Hana nú!

Já Hannes - Þórshöfn er það! Hvað ertu að spá?

Hér er gott að vera, en góða veðrið hefur sagt bless í bili. Nú er komið aftur svona ekta færeyskt veður, svolítið hvasst og rigning stundum með því og ekki sérstaklega hlýtt. En við kunnum vel við okkur samt sem áður.

Ég var svo heppin að brjóta tönn nú um daginn. Já ég fékk mér karamellu og hefði betur sleppt því En jæja, ég fór til tannlæknis í morgun og lét laga þetta brot, þannig að nú er ég eins og ný manneskja.

Guðrun og Valdi komu við í Færeyjum á mánudaginn á leiðinni til Íslands. Ég fór í smá rúnt með þeim. Það var ágætt alveg, gaman að sjá þau aftur eftir svo langt hlé. En við eigum eftir að sjást oftar nú þegar þau eru flutt aftur í Álfhólinn.

Baldur kom til Íslands aftur í gær og er nú að leggja afstað norður. Þar er heyskapur í fullum gangi og hann Baldur má nú ekki missa af því - enda ómissandi á þessum tíma árs. Duglegur er hann kappinn.

Bumbus vex og dafnar eins og honum væri borgað fyrir það. Nú veit ég ekki hvenær börnin fara í höfuðstöðu, en ég veit að þessi krakki er sko ekki farinn að hugsa um það einu sinni. Hann er á fullu allan daginn, en plássið er farið að minnkað allverulega þarna inni hjá honum og finn ég því mikið fyrir hreyfingunum. Það er alveg nokkuð gaman nema þegar verið er að hoppa á blöðrunni eða þegar spyrnt er í rifbeinin.

Jæja, þetta er nóg í bili.

...og ég komin til Færeyja.

Nú er svo bara að bíða eftir barninu, en það styttist í það eins og annað.
Vörn, fyrirlestur og útskrift gekk vel og nú get ég titlað mig kynbótafræðing, það er ágæt tilfinning.

Við mamma og pabbi komum til Færeyja í nótt, komumst ekki af stað á réttum tíma. Það er alltaf þannig, fluginu seinkar nánast alltaf. En það er gott að vera komin heim loksins. Ég verð heima til 25.júní.

Annars er svo sem litið að frétta héðan. Það verður slegið í smá veislu hér á laugardagskvöldið til að fagna náðum áfanga - allir velkomnir

Okkur bumbus líður bara vel, hann, sko bumbus, er sprækur, sparkar og æfir fimleika á hverjum degi - held að honum langi til þess að komast út og fá meira pláss, en það styttist. Ég er í 29 viku núna, bara 11 vikur eftir!

Jæja best að skella sér í biltúr út í hesthúsahverfið og sjá hvort eitthvað spennandi er í gangi þar...

Sakna þín Baldur minn.

Þangað til næst.

Jæja...þá er þessu næstum því lokið - náminu sko!

Á þriðjudaginn var lokuð vörn. Ég var smá stressuð, samt ekki að farast neitt. Var meira stressuð nokkrum dögum áður en vörnin átti að vera, heldur en daginn sem vörnin var. Ég var búin að heyra misjafnar sögur af prófdómaranum, en hún kom mér skemmtilega á óvart, bara mjög þægileg. Vörnin var eiginlega bara þægilegt spjall um verkefnið, ég fékk tækifæri á að rökstyðja það sem ég var búin að fullyrða í ritgerðinni. Þetta tók rétt um 2 tíma alls, síðan fengum við okkur kökur og kaffi eftirá. Mjög fínt. Ég var ekki alveg viss um hvernig þetta hefði gengið svona strax eftir vörnina, en síðan hringdi Magnús, leiðbeinandi minn, í mig þegar við Baldur vorum á leiðinni suður - ég varð mjög glöð. Hann sagði að vörnin/prófið hefið gengið mjög vel

Ég spurði viðstadda aðeins út í opna fyrirlesturinn. Prófdómarinn sagðist vera búinn að spyrja mig að öllu sem hún vildi vita, þannig að ég get ekki búist við neinum svakalega erfiðum spurningum frá henni á fimmtudaginn eftir viku þegar opni fyrirlesturinn verður. Það er eiginlega bara mjög gott að vita af því.

Bumbubúinn hefur hagað sér vel undanfarið. Hann bara vex og dafnar. Ég er að fara til fæðingarlæknis á eftir, það er vegna þess að ég sjálf fæddist með hjartagalla og þarf ég að fá svör við nokkrum spurningum hvað það varðar. Hvort bumbus getur verið með sama galla, hvort þarf að fara í hjartaómum ... já bara hitt og þetta. Ég vona að allt sé í lagi með hjartað í gullinu okkar.

Baldur skrifaði langa færslu á barnalandssíðuna í gær (http://augustbaby.barnaland.is). Þið getið kíkt á það.

verið sæl.

Á morgun er það!

Kl 13.15 á morgun verð ég leidd inn í herbergi þar sem 3 aðilar sitja spenntir og bíða eftir að fá að grilla mig...namminamm!! Nei ég segi svona, en sem sagt er lokaða vörnin á morgun, þannig um um það bil kl 15-16 verð ég búin að verja ritgerðina og þá er bara opni fyrirlesturinn eftir - en ég er ekki mjög kviðin fyrir honum enn sem komið er.

Ég talaði aðeins við leiðbeinanda minn í morgun, hann náði að róa mig aðeins niður. Hann er ágætur karlinn!

Baldur minn ætlar að keyra mig á Hvanneyri á morgun, ég held að það er ágætt að hann geri það...veit ekki hvernig ástandið á mér verður þarna rétt fyrir dauðadóminn - eða lofsönginn )

Annars er litið að frétta þannig. Jú við vorum í skírn fyrir norðan í gær þar sem Jón Gunnar Kristjánsson var skírður - fallegur drengur með fallegt nafn. Dagurinn var mjög góður, góðar veitingar og góður félagsskapur.

Best að halda áfram að undirbúa vörn.

Verið sæl og blessuð.

Fann mynd af óhemju sexý náunga á www.eb.dk , og sá hinn sami montar sig meir að segja af því að hann getur fengið standpínu, sem hann bæ ðe vei gat ekki fyrir ekki svo löngu síðan... hann biður menn bara um að spyrja kærustu sína hvort það sé ekki satt! Ég er allavega viss um að maðurinn, hann Manuel Uribe, hefur ekki séð á sér typpið í mörg ár - standpína eða ekki! Fyrrverandi konan hans fór frá honum fyrir tveimur árum síðan og var hann voðalega miður sín - mig langar að spyrja hann hvort hann var hissa líka!? Ég held að það getur ekki verið...skil bara ekki hvernig hann hefur náð sér í nýja kærustu. Hann hefur farið út úr húsi tvisvar á síðustu sex árum, og þá með kranabil og í rúminu sínu - sem er sérsmíðað vegna þess að Manuel er hátt í hálft tonn þungur. En hér er mynd af kappanum.

Ég skil ekki hvernig menn geta orðið svona rosalegir áður en þeir fatta að fara í megrun!

...eftir skilin!

Nú tekur við stress dauðans. Ég er náttúrulega alveg að farast úr stressi. Það styttist í vörn og mér líður verr og verr fyrir hvern dag sem líður!! En það verður ekki hjá þessu komið...ég get þetta!!

Með bumbus gengur bara ágætlega. Hann (já ég held að þetta sé strákur) sparkar mikið og er oft í fimleikum, vex og dafnar! Það eru komnar nýjar bumbumyndir og aðrar myndir á barnalandssíðuna. Baldur fór á feðrafræðslunámskeið í gær...væri náttúrulega við hæfi að skrifa eitthvað um það á barnalandssíðuna, en hann verður að taka upp á því sjálfur!

Jón Gunnar er farinn norður. Hann fór norður í gær og Bergþóra með honum...hún fór samt aftur suður í dag, en fallega gert af henni að skutlast með. Það var víst tilfinningarík stund þegar Jón Gunnar keyrði í hlaðið heima á Tjörnum...og ekki minna tilfinningarík stund þegar sá hinn sami fékk litla frænda sinn Kristjánsson í hendurnar.

Jæja...ég verð víst að halda áfram að undirbúa vörn...

Gangi mér vel...já takk takk elskurnar.

Þá er ég komin á það stig að ég er búin að skila  ms-ritgerðinni. Furðuleg tilfinning...en það er örugglega hægt að venjast henni eins og öllu.

Lokuð vörn verður 20.maí og síðan verður fyrirlestur sem er opin öllum á fimmtudaginn 29.maí. Eftir það fer ég heim til Færeyja (þann 2.júní).

Annars gengur allt vel hér... litið að frétta svo sem.

...og hér er gott veður. Benjamín bóndi ætlar að skreppa af bæ aðeins og tökum við að okkur að mjólka á meðan á því stendur. Förum samt suður aftur á sunnudaginn líklega.

Ég er að fara til tannlæknis eftir tæpan klukkutíma og er ég pínu stressuð fyrir því! Það á að gera við framtönn sem er löngu dáin ... samt er einhver bólga sem gerir það að verkum að deyfing virkar eitthvað takmarkað... getur orðið vont og það er ekki skemmtilegt! huffffff.... Samt get ég ekki fengið betri tannlækni, þannig að ég verð að láta mig hafa þetta...

Ég hef annars ekkert að segja, nema það að bumbubúinn er ekki alveg sá skemmtilegsti. Ég hef verið með þó nokkra verki síðustu daga...veit ekki hvaða verkir þetta eru, enda aldrei prófað þetta áður.

Nú bleiv eg aftur fastur, Teitur beiggi bleiv pápi í morgun. Tey fingu ein son sum var 4520 gr og 56 cm langur - föddur eina viku ov tíðliga. Föðsilin gekk ikki væl, men hann gekk skjótt fyri seg hóast alt.
Eri stolt fastur í dag. Gleði meg at fáa mynd av beiggjanum.

Jæja þá er Teitur bróður orðinn pabbi aftur, þau eignuðust son í morgun, hann var 4520 gr og 56 cm, fæddur eina viku fyrir tímann. Fæðingin gekk ekki vel, en hún tók fljótt af samt, en var hörð og erfið.
Ég er mjög stolt í dag, hlakka til að fá mynd af stráksa...

Síðan erum við farin að velta fyrir okkur nafn á komandi erfingja! Sá sem er í þróun þið vitið...

Okkur dettur helst þetta í hug:
STELPUNÖFN:
Eggrún Bogey
Oddfreyja Örbrún
Dúfa Snót
Ljótunn Hlökk
Himinbjörg Hind
Randalín Þrá
Baldey Blíða
Bóthildur Brák
Loftveig Vísa
Þúfa Þöll
Þjóðbjörg Þula
Stígheiður Stjarna
Skarpheiður Skuld
Kormlöð Þrá
Ægileif Hlökk
Venus Vígdögg
Hugljúf Ísmey
Ormheiður Pollý
Geirlöð Gytta
Niðbjörg Njóla
Talía Fönn
Eldey Álfrún
Esja
Lísandra Týra
Silfá
Blómhvít
Blædís
Alba Indiana
Kolka Hvönn
Íunn Eir
Kleópatra Líf
Kornelía Þöll
Selja Hvönn
Gefjun Glóð
Irpa Þöll
Kolgríma Ír
Fífa Eik
Fura Sóley
Viðja Rós
Stjarna Rós
Kolbrá Dúfa
Himinbjörg
Tirsa
Tatjana Snót
Eggrún
Eðalrein
Ölrún
Lyngný


DRENGJANÖFN
Beinteinn Búri
Dufþakur Dreki
Hildiglúmur Bambi
Fengur Fífill
Gottsveinn Galdur
Grankell Safír
Kaktus Ylur
Þorgautur Þyrnir
Melkólmur Grani
Ljótur Ljósálfur
Náttmörður Neisti
Hlöðmundur Hrappur
Hraunar Grani
Ráðvarður Otur
Reginbaldur Rómeó
Kópur Kristall
Þangbrandur Þjálfi
Sigurlás Skefill
Þjóðbjörn Skuggi
Húni Hlér
Rökkvi Hljómi
Hnikar Bjarmi
Reginn Tumi
Kalmann Veigar
Galdur
Eldur
Garður
Þengill Otri
Embrek
Danival Heikir
Gnýr
Rómeó Myrkvi
Atóm

Hvernig líst ykkur á? Hvaða nafn eigum við að velja, við erum alveg í vandræðum með þetta